काठमाडौं । प्रतिनिधिसभाको बैठक सुरु हुनुअघि विपक्षी दलहरुको बैठक बसिरहेको छ ।
संसद भवनस्थित कांग्रेस संसदीय दलको कार्यालयमा विपक्षी दलहरुको बैठक बसिरहेको हो । आफुहरुले गरिरहेको अवरोधका बीच सभामुखले यसअघि संसद बैठक सुचारु गरेपछि आजको रणनीति बनाउन उनीहरु बैठकमा बसेका हुन् । बैठकमा कांग्रेस, राप्रपा, जसपा नेपाल, लोसपा, राष्ट्रिय जनमोर्चाका नेताहरु सहभागी छन् ।
बिहान ११ बजे बस्ने भनिएको बैठकमा सरकारको नीति तथा कार्यक्रम माथि छलफल गर्ने कार्यसूची रहेको छ । तर, सहकारी प्रकरणमा गृहमन्त्री रवि लामिछानेमाथि छानबिन गर्न संसदीय समिति नबनाएसम्म संसद अवरोध जारी रहने प्रमुख प्रतिपक्षी नेपाली कांग्रेसले अडान राखेको छ
प्रतिक्रिया