काठमाण्डौ । नेपाल कम्युनिष्ट पार्टी (नेकपा) महासचिव बिष्णु पौडेलको अंगरक्षक (पीसएओ) लाई कोरोना संक्रमण पुष्टि भएपछि नेकपा महासचिव पौडेल आइतबारदेखि होम क्वारेन्टिनमा बसेका छन् ।
शुक्रबार संकलन गरिएको स्वाव परक्षिणमा पौडेलका पीएसओमा आइतबार संक्रमण पुष्टि भएको हो ।
शनिबार प्राप्त रिपोर्ट अनुसार महासचिव पौडेलसहित अन्य सबैको नेगेटिभ आएपनि पीएसओमा संक्रमण देखिएपछि पौडेल होम क्वारेन्टिनमा बसेका हुन् ।
पौडेलका पीसओलाई प्रहरी अस्पतालमा भर्ना गरिएको छ । उनलाई कुनै लक्षण नदेखिएको बताईएको छ । महासचिव पौडेलले आइतबारदेखि सबैखाले भेटघाट बन्द गरेर घरमै बसेका छन् ।
महासचिव पौडेलले खबरकुरासँग कुरा गर्दै आफ्नो स्वास्थ्य ठिक रहेको र पीएसओमा संक्रमण देखिएकाले सम्भाब्य जोखिम नहोस् भनेर क्वारेन्टिनमा बसेको जानकारी दिए ।
उनले शनिबारमात्रै नेकपा अध्यक्ष पुष्पकमल दाहाल प्रचण्डसँग भेटघाट गरेका थिए ।
प्रतिक्रिया