नेपालगन्ज । बाँकेको नेपालगन्जबाट ठुलो परिमाणमा लागु औषध ब्राउनसुगर सहित ३ जना भारतीय नागरिक पक्राउ परेका छन् । नेपालगन्ज २ स्थित सुर्खेतरोडमा रहेको होटल डाईमण्ड प्यालेस अन्तर्गतको डी अपर डेस्क रेष्टुरेन्टबाट ८०८ ग्राम लागूऔषध ब्राउनसुगर सहित ३ जना भारतीय नागरिक पक्राउ परेका हुन् ।
रेष्टुरेन्टमा लागूऔषधको कारोबार गरिरहेको भन्ने सूचनाको आधारमा जिल्ला प्रहरी कार्यालय बाँके र लागू औषध नियन्त्रण व्युरो शाखा कार्यालय नेपालगन्जबाट खटिएको प्रहरी टोलिले छापा मारेर भारत बहराईच उत्तर प्रदेश नानपाराका २१ वर्षिय रिजवान अहमद ईदरीशी, १८ वर्षिय माज अहमद र २६ वर्षिय रफत खानलाई ब्राउसुगरसहित पक्राउ गरेको बाँके प्रहरी प्रवक्ता डीएसपी प्रतितसिंह राठौरले बताए ।
उनीहरुबाट २ थान मोबाइल र भारतीय नम्बर प्लेटको स्कुटर बरामद भएको डीएसपी राठौरले बताए । पक्राउ परेकाहरु माथि थप अनुसन्धान कार्य भइरहेको प्रहरीले जनाएको छ ।
प्रतिक्रिया