पोखरा । गण्डकी प्रदेशका मुख्यमन्त्री सुरेन्द्रराज पाण्डेले विश्वास मत मागेका छन्।
सोमबार बसेको प्रदेशसभा बैठकमा मुख्यमन्त्री पाण्डेले विश्वास मत मागेका हुन् ।
संविधानको धारा १६८ को उपधारा ३ अनुसार मुख्यमन्त्री बनेका पाण्डेले सोधी धाराको उपधारा ४ र प्रदेशसभा नियमावली २०८० को नियम १५० बमोजिम विश्वास मत प्रस्ताव राखेका छन्।
६० सदस्यीय गण्डकी प्रदेश सभामा बहुमतका लागि ३१ सांसदको साथ चाहिन्छ। मुख्यमन्त्री पाण्डेको पक्षमा उनको दल नेपाली कांग्रेसका २७ सांसद छन् । पाण्डेलाई दुई सांसद भएको राप्रपाले पनि मत दिने निर्णय गरेको छ । अब बाँकी दुई मध्ये एक स्वतन्त्र सांसद दीपक मनाङे र बाबुराम भट्टराई निकट फणिन्द्र देवकोटाको मत पाण्डेले अपेक्षा गरेका छन् ।
प्रतिक्रिया