नेपालगन्ज । भेरी अस्पताल नेपालगन्जको प्रयोगशालामा गरिएको पीसीआर परीक्षणमा पछिल्लो २४ घण्टामा बाँकेका २६ जना सहित ५६ जना कोरोना संक्रमित थपिएका छन् ।
स्वास्थ्य कार्यालय बाँकेले आज सार्वजानिक गरेको संक्रमितको बिवरणमा बाँकेका २६ सहित ५६ जना नयाँ संक्रमित थपिएको जनाईएको छ ।
स्वास्थ्य कार्यालयका अनुसार नेपालगन्ज उपमहानगरका बिभिन्न वार्डका १६ जना, कोहलपुरका ५ जना, जानकी गाँउपालिका १, राप्ती सोनारीका १ तथा पालिका नखुलेका बाँकेका ३ जना सहित २६ जनामा संक्रमण पुष्टि भएको छ ।
अन्य ३० जना संक्रमितमा अधिकांस कर्मचारी रहेको बताईएको छ ।
आज थपिएका संक्रमितहरुमा अधिकांस राष्ट्रसेवक कर्मचारी रहेको बताईएको छ । बाँकेमा कार्यरत कर्मचारी तथा केहि जिल्ला बाहिरका कर्मचारीमा पनि कोरोना संक्रमण देखिएको स्वास्थ्य कार्यालय बाँकेका कारोना फोकल पर्शन नरेश श्रेष्ठले जानकारी दिए ।
कर्मचारीको वास्तबिक संख्या भने स्वास्थ्य कार्यालयले अझै खुलाएको छैन । बाँकेमा सोमबार मात्र १६ जना संक्रमित थपिनुका साथै २ जनाको कोरोनाका कारण मृत्यु भएको थियो ।
अस्पताल परिषरमा धमाधम् कोरोना देखिएपछि बाँकेका अधिकांस अस्पतालहरु सिल गरिएका छन् । अस्पतालका मुख्य बिभागहरु सिल गरिंदा दैनिक उपचारका लागि आउने अन्य रोगका बिरामीहरुलाई सास्ती भएको छ ।
प्रतिक्रिया