रुपन्देहीको कोरोना ग्राफ उकालो चढ्दै, बुटवल र भैरहवामा सात सात संक्रमित थपिए

बुटवल । पछिल्लो २४ घण्टामा रुपन्देहीमा १४ जना नयाँ कोरोना संक्रमित थपिएका छन् । जिल्लामा थपिएका नयाँ संक्रमितमा ७ जना बुटवल उपमहानगरका स्थानीय बासिन्दा हुन् भने ७ जना सिद्धार्थ नगर नगरपालिकाका हुन् ।

स्वास्थ्य कार्यालय रुपन्देहीले दिएको जानकारी अनुसार बुटवल उपमहानगरको वडा नम्बर ११ का ४ जनामा संक्रमण पुष्टि भएको छ भने वडा नम्बर १६ मा १ जना तथा वार्ड र ठेगाना नखुलेका २ जनामा पनि संक्रमण पुष्टि भएको छ ।

त्यस्तै सिद्धार्थ नगर नगरपालिकाको ४ नम्बर वार्डका ४ जना र १२ नम्बर वार्डका ३ जनामा कारोना भाइरस संक्रमण पुष्टि भएको छ ।

शुक्रबार पुष्टि भएका संक्रमितहरु मध्य ११ जनाको नशनल प्याथ ल्याव, २ जनाको प्रदेश ५ प्रयोगशाला र १ जनाको लुम्बिनी प्रादेशिक अस्पतालको प्रयोगशालामा स्वाव परीक्षण भएको स्वास्थ्य कार्यालय रुपन्देहीका कोरोना फोकल पर्शन केदार शाहले बताए । रुपन्देहीमा कोभिड–१९ संक्रमितको संख्या ४ सय २० पुगेको छ।