पाल्पा । पाल्पा-गुल्मी सडक अन्तर्गत बर्तुङ-रिडी खण्डको जोर्तेमा २ ठुला ढुङ्गाहरु खसेका कारण सडक यातायात पूर्णरुपमा बन्द भएको छ । आज अपरान्ह पहिरो सहित खसेको २ ठुला ढुङ्गाका कारण पाल्पा गुल्मीको सडक यातायात पूर्णरुपमा बन्द भएको हो ।
विभागीय लोडर प्रयोग गरी उक्त ढुङ्गा पन्छाउन नसकिएको जनाउँदै ब्रेकर सहितको एक्साभेटर सडक बन्द भएको स्थानतर्फ परिचालन भएको सडक डिभिजन कार्यालय पाल्पाले जनाएको छ । डिभिजन कार्यालयले भोलि बिहान १०ः०० बजे सम्म यातायात खुल्ने अनुमान गरेको छ ।
सडक कार्यालयले आज एक सूचना जारी गर्दै सो सडक प्रयोग गर्ने यात्रुहरुलाई वैकल्पिक सडकको प्रयोग गरी यात्रा गर्न अनुरोध गरेको छ ।
प्रतिक्रिया