नेपालगन्ज । बाँकेको राप्ती सोनारी-५ बिनौनामा दुईवटा समुहबीच झडप हुँदा २ जना गम्भीर घाइते भएका छन् । झडपका क्रममा खुकुरी प्रहारबाट २ जना गम्भीर घाइते भएका छन् ।
घाइतेहुनेहरुमा बैजनाथ ७ पर्शुरामपुरका २८ वर्षिय शुलभ मल्ल र राप्ती सोनारी ३ मधुवाका २८ वर्षिय सन्दिप विष्ट रहेको प्रहरीले जनाएको छ । खुकुरी प्रहार गर्ने समुहको विषयमा भने प्रहरीले खुलाएको छैन ।
प्रहरीका अनुसार घाईते मल्लको बाँया कोखामा गहिरो चोट लागेको र अवस्था गम्भीर रहेको छ भने विष्टको दुबै हात र कुममा चोटलागेको छ ।
घाइतेहरुको नेपालगन्ज नसिंङहोममा उपचार भइरहेको छ । नदी उत्खनन्का क्रममा भएको विबादमा झडप भएको स्रोतको दाबी छ । नदीजन्य पदार्थको उत्खनन् र बिक्रीबितरणमा कुरा नमिलेपछि दुई समुहबीच झडप भएको बताइएको छ ।
प्रतिक्रिया