काठमाडौं । माछापुच्छ्रे बैंक लि. र नेपालका कानुन व्यवसायीहरुको छाता संगठन नेपाल बार एसोसिएसनबीच बैंकिङ्ग सेवा सम्झौता भएको छ ।
एसोसिएसनसँग प्रत्यक्ष र अप्रत्यक्ष रुपमा आवद्ध रहेका कानुन व्यवसायी तथा संस्थाहरुलाई विशेष बैंकिङ्ग सेवा प्रदान गर्नेसम्बन्धी सम्झौता भएको माछापुच्छ्रे बैंकले जनाएको छ ।
सम्झौतामा माछापुच्छ्रे बैंकको तर्फबाट प्रमुख कार्यकारी अधिकृत सन्तोष कोइराला र नेपाल बार एसोसिएसनको तर्फबाट महासचिव लिलामणी पौडेलले हस्ताक्षर गरेका छन् । नेपाल बार एसोसिएसनमा करिब २० हजार सदस्यहरु आवद्ध छन् ।
सम्झौतापछि नेपाल बार एसोसिएसनका सदस्यहरुले माछापुच्छ्रे बैंकका सम्पूर्ण शाखामार्फत निक्षेप खाता, कर्जा तथा अन्य बैंकिङ्ग सेवाहरुमा विशेष सहुलियत र प्राथमिकता प्राप्त गर्नेछन् ।
सरल र सहज रुपमा ग्राहकहरुलाई विभिन्न आर्कषक योजनाका साथ सेवा प्रदान गर्दै आइरहेको माछापुच्छ्रे बैंकले हालै मात्र नेपाल चिकित्सक सघं, नेपाल चाटर्ड एकाउन्टेन्स संघ, नेपाल अडिर्टस एसोसिएसन लगायतका संस्थासँग सम्झौता गरिसकेको छ ।
ती संस्थाहरुमा आवद्ध व्यक्ति तथा संस्थाहरुलाई विशेष प्राथमिकताका साथ सेवा पुर्याउने उद्धेश्यले सम्झौता गरिएको बैंकले जनाएको छ ।
स्थापनाकालदेखि नै नयाँ प्रविधिमा आधारित सेवा सुविधा ल्याइरहेको माछापुच्छ्रे बैंकका देशभर १५९ वटा शाखा रहेका छन् ।
१३३ शाखारहित बैकिङ्ग सेवा र ५ एक्सटेन्स काउण्टरसमेत गरी जम्मा २९७ स्थानमा रहेका सेवा सञ्जालतथा १९८ वटा एटीएमहरु तथा १ हजार भन्दा बढी पीओएसबाट ग्राहक बैंकले अत्याधुनिक प्रविधिसहित बैकिङ्ग सुबिधा प्रदान गरिरहेको छ ।
प्रतिक्रिया