सुन तोलामा १६ सय रुपैयाँ घट्यो, बिहीबारको मूल्य ९८ हजार ८ सय रुपैयाँ कायम

काठमाडौं । बिहीबार सुनको मूल्य १६ सय रुपैयाँले घटेको छ । तोलामा १ लाख भन्दा माथि पुगेको सुनको मूल्य बिहीबार ओरालो लागेको हो ।

बिहीबार तोलामा १ हजार ६ सय रुपैयाँले घटेको नेपाल सुन चाँदी व्यवसायी महासंघले जनाएको छ। आज प्रति तोला तोला ९८ हजार ८ सय रुपैयाँ कायम भएको छ ।

बुधवार तोलाको १ लाख चार सय रुपैयाँमा सुनको कारोबार भएको थियो। मंगलबार भने तोलामा २ हजार २ सय रुपैयाले बढेर सुन १ लाख नाघेको थियो।

यस्तै, बिहीबार चाँदीको मूल्य तोलामा १५ रुपैयाँले घटेर तोलाको १ हजार ३ सय ६० रुपैया कायम भएको छ । वुधवार तोलामा ५ रुपैयाँले घटेर तोलाको १ हजार ३ सय ७५ रुपैयामा कारोबार भएको थियो।

अन्तर्राष्ट्रिय बजारमा सुनको मूल्यमा उतारचढाव भैरहँदा नेपालमा पनि त्यसको प्रत्यक्ष प्रभाव पर्ने गर्छ ।