नेपालगन्ज । नेपालगन्जमा भएको मोटरसाइकल दुर्घटनामा एक युवाको मृत्यु भएपछी उनका आफन्त र स्थानीयले भेरी अस्पतालअगाडी टायर बालेर सडक अवरुद्ध गरेका छन् ।
नेपालगन्ज उपमहानगरपालिका-४ बसपार्क बाइपास रोड नजिक भे ६ प ८०२ नं र ज ३ प ७१७१ नंम्बरको मोटरसाइकल एकापसमा ठोक्किँदा नेपालगन्ज-६ का २६ वर्षीय अमनकुमार कसौधनको मृत्यु भएको थियो भने नेपालगन्जकै एहसान शेष घाइते भएका थिए ।
घाइते एहसान शेष भेरी अस्पतालबाट सम्पर्कविहीन भएपछि मृतकका आफन्त र स्थानीयले तत्काल समात्न माग राख्दै टायर बालेर सडक अवरुद्ध गरेका हुन् ।
घाइते शेष भेरी अस्पताल पुगेका थिए । चिकित्सकले सिटी स्क्यान गर्न पठाएका थिए । सिटी स्क्यान गर्न बाहिर निस्केका शेष सम्पर्कविहीन भएका थिए । केहीले उनी भारतमा उपचार गर्न गएको बताएका छन् ।
बाँके प्रहरी प्रमुख एसपी तुलबहादुर कार्कीले शेषलाई खोजेर ल्याउने प्रतिबद्धता गरेपछि टायर बाल्न बन्द गरिएको छ । पीडित पक्षले शेषलाई नल्याउँदासम्म आन्दोलन जारी रहने बताएका छन् ।
प्रतिक्रिया