काठमाडौं । लिबर्टीको इनर्जीको साधारण सेयर (आइपीओ) मा २ गुणा भन्दा बढी सेयर बिक्री भएको छ।
आइतबार पाँच बजेसम्ममा कम्पनीको आइपीओमा १ लाख ९१ हजार ४७ वटा आवेदनबाट ७३ लाख १७ हजार ७०० कित्ता सेयर खरिदको लागि आवेदन परेको बिक्री प्रबन्धक एनआइबिएल एस क्यापिटलले जानाकारी दिएको छ । यो बिक्रीमा ल्याएको सेयरको २.०५ गुणा धेरै हो।
कम्पनीले सर्वसाधारणका लागि ३५ करोड ६४ लाख ९३ हजार बराबरको ३५ लाख ६४ हजार ९३० कित्ता साधारण सेयर बिक्री खुला गरेको थियो । आवेदकले प्रतिकित्ता १०० अंकित दरका सो सेयरमा न्यूनतम १० कित्ताका देखि अधिकतम १० हजार कित्ता सम्मको लागि आवेदन दिएका छन ।
हाल कम्पनीको अधिकृत पूँजी एक अर्ब ५० करोड र चुक्ता पूँजी एक अर्ब १२ करोड ५० लाख छ । साधारण सेयर बिक्रीपछि कम्पनीको चुक्ता पूँजी रु एक अर्ब ५० करोड पुग्नेछ ।
प्रतिक्रिया