अर्घाखाँची । कोरोना भाइरस कोभिड-१९ समुदाय स्तरमा फैलिएको भन्दै अर्घाखाँचीमा एक साताका लागि निषेधाज्ञा थपिएको छ ।
जिल्लास्तरीय कोभिड-१९ संकट व्यवस्थापन समितिको बैठकले भदौ ३ गतेदेखि जारी निषेधाज्ञा आज राती १२ बजे सकिँदै छ ।
त्यसलाई निरन्तरता दिँदै आगामी बुधबार भदौ १७ गते राती १२ बजेसम्म निषेधाज्ञा गरिने निर्णय गरीएको हो । जिल्लामा कोरोना संक्रमण समुदायसम्म पुगेको भन्दै बैठकले जिल्लाबासीलाई कोभिड-१९ को महामारीबाट सुरक्षित राख्न पुनः निषेधाज्ञा गर्ने निर्णय गरेको प्रमुख जिल्ला अधिकारी विजयराज पौडेलले जानकारी दिए ।
निषेधाज्ञाको समयमा अत्यावश्यक बाहेकका सबै सेवा बन्द रहने छन् । तरकारी, खाद्य पसल दिउँसो साढे ३ बजेदेखि ७ बजेसम्म सञ्चालन हुने छन् भने डेरी पसल बिहान ६ देखि ८ बजेसम्म खोल्न पाउने गरी निषेधाज्ञालाई निरन्तरता दिइएको जनाइएको छ ।
प्रतिक्रिया