समाज लघुवित्तको आइपीओ आज बाँडफाँड हुने, ८ हजार ७० जनाले पाउने भए १० कित्ता सेयर

काठमाडौं। समाज लघुवित्त वित्तीय संस्थाको आइपीओ आज बाँडफाँड हुने भएको छ ।  बिक्री प्रबन्धक सिद्धार्थ क्यापिटलले दिउँसो २ बजे बाँडफाँड गरिने जनाएको हो ।

लघुवित्तको आइपिओको प्री एलटमेन्ट भएको छ जसमा ८ हजार ७० जनाले पाए १० कित्ताका दरले सेयर पाएका छन भने आवेदन दिएका ५ लाख ५८ हजार ४ सय ३ जनाको हात भने खाली हुनेछ ।

कम्पनीको आइपीओमा ५ लाख ६६ हजार ४७३ जना आवेदकबाट १ करोड २० लाख १५ हजार ८ सय २० कित्ता सेयर खरिदका लागि आवेदन परेको थियो । जहाँ मागभन्दा बढी १४८.८९ गुणा आवेदन परेको छ ।

कम्पनीले भदौ ४ गतेदेखि ८ गतेसम्म सर्वसाधारणका लागि ८० हजार ७ सय कित्ता सेयर बिक्रीमा राखेको थियो।