काठमाडौं । नेपालमा पछिल्लो २४ घण्टामा ८९९ जना कोरोना संक्रममित थपिएका छन् ।
११ हजार १२९ पीसीआर परीक्षणमा ८९९जना नयाँ संक्रमित थपिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले जानकारी दिए । जसमध्ये ३०३ जना महिला र ५९६ जना पुरुष रहेका छन् ।
यससँगै हालसम्म संक्रमितको संख्या ३९ हजार ४६० पुगेको छ ।
सक्रिय संक्रमितको संख्या १७ हजार ८२२ रहेको छ । संस्थागत आइसोलेसनमा १० हजार ७०१ जना रहेका छन् ।
काठमाडौं उपत्यकामा २९८ जना थपिएका छन् ।
यसैगरी होम आइसोलेसनमा ७ हजार १२१ जना रहेका छन् ।
हालसम्म २१ हजार ४१० जना संक्रमित निको भएर घर फर्किएका छन् । क्वारेन्टिनमा ७ हजार ३३७ जना रहेका छन् ।
प्रतिक्रिया