बुटवल । कोरोना भाइरसको संक्रमणका कारण रूपन्देहीमा थप १ जनाको मृत्यु भएको छ।
बुटवल उपमहानगरपालिका वडा नं. ६ सब्जीमण्डीका ५७ वर्षीय संक्रमित पुरुषको भैरहवास्थित भीम अस्पतालमा मृत्यु भएको हो ।
‘उनको आईसीयूमा राखेर उपचार भैरहेकाकोमा स्वास्थ्य अवस्था बिग्रिँदै गई बुधबार दिउँसो मृत्यु भएको अस्पतालले जनाएको छ । उच्च रक्तचापका बिरामी रहेका ती पुरुषलाई हृदयघात समेत भएको थियो ।
उनलाई बुटवलस्थित कोरोना बिशेष अस्पतालबाट यही १५ गते भीम अस्पताल सारिएको थियो ।
यसअघि, बुधबार बिहान भीम अस्पतालमै नवलपरासी रामग्रामीकी ६५ वर्षीया कोरोना संक्रमित महिलाको मृत्यु भएको थियो ।
यता, बुटवल कोरोना अस्पतालमा कपिलवस्तुकी ६० वर्षीया महिलाको मृत्यु भएको थियो ।
प्रतिक्रिया