काठमाडौं । आफ्नो राष्ट्रिय दिवसको अवसरमा नेपालस्थित पाकिस्तानी दूतावासले झण्डोत्तोलन गरेको छ ।
८५औँ राष्ट्रिय दिवसको अवसरमा राजदूत अबरार एच हाश्मीले पाकिस्तानको झण्डा फहराए । त्यस अवसरमा पाकिस्तानका राष्ट्रपति, प्रधानमन्त्री र परराष्ट्रमन्त्रीका सन्देशहरू पढेर सुनाइएको थियो ।
सन्देशमा राष्ट्रपति आसिफ अली जरदारीले राष्ट्रबासीलाई बधाई दिँदै देशका संस्थापक पिता र पाकिस्तान आन्दोलनका शहीदहरुको बलिदानलाई सधैं सम्मान गर्ने बताए। उनले पाकिस्तान शान्तिपूर्ण सहअस्तित्व, क्षेत्रीय स्थायित्व र बलियो वैश्विक सम्बन्ध चाहने जनाउँदै आफ्नो सार्वभौमसत्ताको डटेर रक्षा र्ने बताए । उनले जम्मुकश्मीर र प्यालेस्टाइनका जनताको आत्मनिर्णयको लडाइँमा उनीहरूसँगै साथ रहेको पनि सन्देशमा उल्लेख गरे।
उनले एकता, विश्वास र अनुशासनका सिद्धान्तहरू पालना गरेर राष्ट्रिय सुरक्षालाई बलियो बनाउन, अर्थतन्त्रलाई उकास्न, कृषिलाई प्रगति गर्न, ऊर्जा सुरक्षा सुनिश्चित गर्न र युवाहरूका लागि अवसरहरू सिर्जना गर्न सक्ने जनाए।
यसैगरी प्रधानमन्त्री मुहम्मद शाहबाज शरीफले आफ्नो सन्देशमा मार्च २३ दक्षिण एसियाको इतिहासमा एक निर्णायक क्षण रहेको जनाए। दक्षिण एशियकाका मुस्लिमहरू सम्मान र स्वतन्त्रताका साथ बाँच्न सकून् भन्दै ८५ वर्षअघि कायदे आजम मुहम्मद अली जिन्नाहको दूरदर्शी नेतृत्वमा उपमहाद्वीपका मुस्लिमहरूले एक स्वतन्त्र मातृभूमि सिर्जना गर्न एकजुट भएको उनले स्मरण गरे।
यसैगरी विदेशमन्त्री मोहम्मद इशाक डारले आफ्नो सन्देशमा विदेशमा बस्ने पाकिस्तानीहरूलाई हार्दिक शुभकामना व्यक्त गर्नुभयो र उनीहरूको देशभक्ति, समर्पण र कडा परिश्रमको प्रशंसा गरे ।
नेपालका लागि पाकिस्तानी राजदूत अबरार एच हाश्मीले आफ्नो सम्बोधनका क्रममा नेपालमा बस्ने पाकिस्तानी नागरिक र कर्मचारीहरूलाई बधाई दिए । त्यस अवसरमा उनले पाकिस्तानी नागरिकलाई पाकिस्तान–नेपाल मित्रतालाई उचाइमा पुर्याउन जुनसुकै तरिकाले योगदान गर्न पनि आह्वान गरे ।
सन् १९४० भएको लाहोर संकल्पका आधारमा सन् १९४७ मा पाकिस्तान देश बन्न सफल भएको थियो ।
प्रतिक्रिया