काठमाडौँ । चार जना उच्च अदालतका न्यायाधीशलाई मुख्य न्यायाधीश पदमा नियुक्तिका लागि सिफारिस गरिएको छ । शुक्रबार बिहान बसेको न्याय परिषद् बैठकले उच्च अदालतका न्यायाधीशहरू राजनप्रसाद भट्टराई, लालबहादुर कुँवर, हरिप्रसाद भण्डारी र राजेन्द्र तिवारीलाई मुख्य न्यायाधीशका लागि सिफारिस गरेको हो ।
उच्च अदालत जनकपुर, अस्थायी इजलास वीरगञ्जमा कार्यरत रहेका भट्टराईलाई उच्च अदालत विराटनगरको मुख्य न्यायाधीशमा सिफारिस भएका छन् भने उच्च अदालत पाटनमा कार्यरत न्यायाधीश कुँवरलाई पाटनकै मुख्य न्यायाधीशमा सिफारिस गरिएको छ।
हाल उच्च अदालत विराटनगर, अस्थायी इजलास ओखलढुंगामामा रही काजमा तुलसीपुर इजलासमा रहेका भण्डारीलाई उच्च अदालत सुर्खेतको मुख्य न्यायाधीशमा सिफारिस गरिएको छ।
यसैगरी हाल उच्च अदालत तुलसीपुर, बुटवल इजलासमा कार्यरत रहेका तिवारीलाई उच्च अदालत तुलसीपुरकै मुख्य न्यायाधीशमा नियुक्तका लागि सिफारिस गरिएको हो ।
प्रतिक्रिया