खजुरा । बाँकेको खजुरा गाउँपालिकाको १७ औं गाउँसभा सुरु भएको छ । आजबाट सुरु भएको गाउँसभाले खजुरा गाउँपालिकाका अध्यक्ष डम्बर विक तुफानले प्रस्तुत गरेको आर्थिक वर्ष ०८२/८३ को नीति तथा कार्यक्रम सर्वसम्मत अनुमोदन गरेको छ ।
गाउँसभामा नीति तथा कार्यक्रम प्रस्तुत गर्दै पालिका अध्यक्ष विकले ‘हामी आफै बनाउ हाम्रो खजुरा, आत्मनिर्भर र समृद्ध खजुरा’ को नारालाई पुरा गर्न निर्मित पन्चवर्षे योजना, आवाधिक योजना, मध्यकालीन खर्च संरचना योजना र जनताको स्तरबाट आएका योजनाहरुलाई प्राथमिकिकरण गर्दै बहुवर्षिय योजना कार्यान्वयनको निरन्तरता दिने कुरालाई ध्यानमा राख्दै कार्यक्रम तय गरिएको बताए । उनले खजुराको चौतर्फी रुपमा विकासलाई गति दिन वार्षिक कार्यक्रमलाई नीति तथा कार्यक्रमको रुपमा तय गरिएको बताए ।
नीति तथा कार्यक्रमको उद्देश्य लक्ष्य प्राप्तिको लागि कार्यान्वयन गर्न आ.व. २०८२/८३ को नीति तथा कार्यक्रममा आधारित बजेटको विनियोजन गरिने उनले उल्लेख गरे । उनले नीति तथा कार्यक्रम र बजेटको कार्यान्वयनमा सम्पूर्ण खजुरावासीको सक्रिय भूमिका तथा पूर्ण सहयोगको अपेक्षा समेत गरे ।
नीति तथा कार्यक्रममा कृषिलाई प्राथमिकतामा राख्दै खजुराको समृद्धिको आधार कृषिलाई प्रोत्साहित गरिएको छ । खजुराको शिक्षा, स्वास्थ्य, पर्यटन, खेलकुद, उद्योग, ब्यवसायलगायतमा निजी क्षेत्रसँग सहकार्य गर्दै घोषित लक्ष्य पूरा गर्ने कार्यक्रममा उल्लेख गरिएको छ । कबड्डीलाई पालिका खेलकुदकारुपमा घोषणा गर्दै कबड्डीसँगै सबै खेल गतिबिधिलाई तिब्ररुपमा संचालन गरिने कार्यक्रममा योजना बनाइएको छ । कृषिको बजारिकण, टिनको छानामुक्त बिद्यालय, हरेक बिद्यालयमा सुबिधासम्पन्न शौचालय र स्वच्छ खानेपानी, ब्यवसाय करको दायरा फराकिलो बनाउनुका साथै पुराना योजनाहरुलाई आव ०८२/८३ मा सम्पन्न गर्ने लक्ष्य राखिएको छ ।
कार्यक्रम प्रस्तुत गर्दै अध्यक्ष बिकले अधुरो रहेको पालिकाको प्रशासनिक भवन, शीत भण्डारलाई यसै वर्ष सम्पन्न गरिने र केही पूर्वाधारको अभावमा संचालन हुन नसकेको बहुउद्देशीय सभाहललाई पनि आगामी आवदेखि संचालनमा ल्याइने नीति तथा कार्यक्रममा उल्लेख छ ।
पूर्णपाठ :
प्रतिक्रिया