बुटवलमा एकै दिन थपिए ३२ संक्रमित, उपमहानगरमा पुग्यो ५१२ जना संक्रमित

बुटवल । पछिल्लो २४ घण्टामा बुटवल उपमहानगरमा ३२ जना नयाँ कोरोना संक्रमित थपिएका छन् । उपमहानगरको स्वास्थ्य शाखाले दिएको जानकारी अनुसार १७ जना पुरुष र १५ जना महिलामा संक्रमण पुष्टि भएको छ ।

बुटवलको ११ नम्बर वडामा फेरि ९ जना संक्रमित थपिएका छन् भने वार्ड नम्बर १ मा ६ जना थपिएका छन् । त्यसैगरि १२ नम्बरमा ३ जना, ३ र १३ मा २।२ जना, ४,६,८,१० र १७ नम्बर वाडमा १।१ जना नयाँ संक्रमित थपिएकाछन् । बुटवलमा आज पनि ठेगाना स्पष्ट नखुलेका ५ जनामा कोरोना संक्रमण पुष्टि भएको छ ।

बुटवलमा २६८ जना सक्रिय संक्रमित रहेको र २०४ जना डिस्चार्ज भएको उपमहानगरको स्वास्थ्य शाखाले जनाएको छ । बुटवलमा ६ जना संक्रमितको मृत्यु भईसकेको छ ।