बुटवल । रुपन्देहीमा एक दिनमा अहिले सम्मकै ठुलो संख्या १२६ जना नयाँ कोरोना संक्रमित थपिएका छन् ।
स्वास्थ्य कार्यालय रुपन्देहीले दिएको जानकारी अनुसार जिल्लामा ७५ जना पुरुष र ५१ जना महिलामा संक्रमण पुष्टि भएको छ । जस अनुसार बुटवल उपमहानगरमा सबै भन्दा बढी ५७ जना संक्रमित थपिएका छन् भने तिलोत्तमा नगरपालिकामा ४५ जना नयाँ संक्रमित थपिएका छन् ।
त्यसैगरि सियारी गांउपालिकामा ७ जना, सिद्धार्थनगर नगरपालिकाका ६ जना, सैनामैना नगरपालिकामा ५ जना, रोहिणीमा ४ जना र ओमसतियामा २ जना नयाँ संक्रमित थपिएका छन् ।
आज थपिएसँगै रुपन्देहीमा संक्रमितको संख्या १६३० जना पुगेको छ भने जिल्लामा १५ जनाको मृत्यु भएको छ ।
प्रतिक्रिया