बागलुङ । ग्लोबल आइएमई बैंक लिमिटेडले आइतबार बागलुङको बलेवामा नयाँ एक्सटेन्सन काउण्टर सञ्चालनमा ल्याएको छ ।
बागलुङ नगरपालिका वडा नं. १४ बलेवा, नारायणस्थानमा सुरु गरिएको एक्सटेन्सन काउण्टरको बागलुङ क्षेत्र नं. १ का प्रतिनिधिसभा सांसद डा. सूर्य पाठकले उद्घाटन गरेका छन् ।
यो एक्सटेन्सन काउण्टरको उद्घाटनसँगै बैंकका एक्सटेन्सन काउण्टरहरुको संख्या ४३ पुगेको छ ।
सेवाग्राहीको बढ्दो चाप र विस्तारित बैंकिङ्ग सेवाको आवश्कतालाई मध्यनजर गर्दै बलेवामा एक्सटेन्सन काउण्टर सञ्चालनमा ल्याएको बैंकले जनाएको छ ।
सबै क्षेत्र र वर्गसम्म बैंकिङ्ग सेवाको पहुँच पु-याउने उद्देश्यले संचालित बैंकको ७१ वटा जिल्लामा सञ्जाल फैलिएको छ ।
ग्लोबल आइएमई बैंकका २५९ शाखासहित २३४ एटिएम, ४३ एक्सटेन्सन काउण्टर तथा राजश्व संकलन काउण्टर रहेका छन् ।
यस्तै, २१९ शाखारहित बैंकिङ्ग सेवा र ३ अन्तर्राष्ट्रिय प्रतिनिधि/सम्पर्क कार्यालयमार्फत आफ्ना २० लाख भन्दा बढि ग्राहकहरुमाझ सेवा प्रदान गर्दै आइरहेको बैंकले जनाएको छ ।
प्रतिक्रिया