नेपालगन्ज । बुढा बाजे बज्यै र आमा बाबुको सपना साकर पार्न फ्रान्स जाने तयारीमा काठमाडौंमा पढ्दै गरेका नेपालगन्ज धम्बोझीका आयुषको जेन जी प्रदर्शनमा प्रहरीको गोली लागेर मृत्यु भएपछि तीन पुस्ताको सपना चक्नाचुर बनेको छ ।
नेपालगन्ज धम्बोझी कै सुलभराज श्रेष्ठ र आयुष थापा भ्रष्टाचारका विरुद्धको जेन जी प्रदर्शनका क्रममा काठमाडोैको नयाँ बानेश्वर क्षेत्रमा पुगेका थिए । देशमा ब्याप्त भ्रष्टाचारको विरोध गर्दा ताकीताकी गोली हानिन्छ भन्ने थाहा नभएका उनीहरु सुशासन र पारदर्शी लोकतन्त्रका लागि सडकमा उत्रिएपनि उनीहरु अनाहकमा मारिएका छन् ।
दैलेखबाट बसाई सरेर नेपालगन्ज उपमहानगरपालिका १ धम्बोझीमा बसोबास गर्दै आएका आयुष घरपरिवारका तेस्रो पुस्ता हुन् । सुशिल थापाका एक्ला छोरा आयुषको एक मात्र बहिनीको अघिल्लो वर्षमात्र बिबाह भएको थियो । बाजेबज्यै र आमाबाबुको ममतामयी मायाबाट हुर्केका आयुषको ज्यान गएपछि नेपालगन्जको धम्बोझी थप शोकाकुल बनेको छ ।
नेपालगन्ज उद्योग वाणिज्य संघका पूर्व अध्यक्ष एवं नागरिक अगुवा कृष्णप्रसाद श्रेष्ठ काठमाडौं स्थित ट्रमा सेन्टरमा पुगेपछि मात्र गोली लागेर मृत्यु भएका आयुष नेपालगन्जबासी भएको पहिचान खुलेको थियो । आयुषको भनिएको शव प्रत्यक्ष नहेर्दा सम्म मृत्यु भएको आयुष नै हुन् भनेर पत्याउन नसकिने भन्दै आयुषका बाबु सुशिल र आमा काठमाडौं गएका छन् ।
शव नहेर्दा सम्म बाजे बज्यैलाई समेत मृत्युको खबर नदिइएको आयुषका छिमेकी समेत रहेकी नेपालगन्ज उपमहानगरकी पूर्व उपप्रमुख उमा थापाले बताइन् । बाबु आमालाई समेत उपचार भइरहेको बताएर काठमाडौं पठाइएको उनले बताइन् ।
प्रतिक्रिया