नेपाल राष्ट्रबैंकले सरकारले समेटेको नयाँ भु-भाग सहितको नक्सा अंकित सिक्का बजारमा ल्याउने अनुमती पाएको छ ।
सरकारले नयाँ नक्सा प्रस्ताव गरेर संस्दबाट अनुमोदन गराएसंगै मन्त्रिपरिषदले राष्ट्रबैंकलाई नयाँ नक्सा अंकित सिक्का प्रकाशन गर्ने अनुमती दिएको हो । राष्ट्र बैंकलाई सोमबारको मन्त्रिपरिषदको बैठकले सिक्का निकाल्न स्विकृति दिएको सरकारका प्रवक्ता परराष्ट्र मन्त्री प्रदिप ज्ञवालीले बताए ।
राष्ट्र बैंकले बजारमा ल्याएको सिक्का तथा नोटहरुमा अहिले सम्म पुरानो नक्सा नै अंकित रहेका छन् ।
सरकारको अनुमति पाएसँगै अब लिम्पियाधुरा, कालापानी, लिपुलेक लगायतका भूभाग समेटिएको नयाँ नक्सासहितको सिक्का निष्कासनको प्रक्रिया शुरु हुने राष्ट्र बैंकले जनाएको छ ।
प्रतिक्रिया