काठमाडौं । काठमाडौंको गोकर्णेश्वर नगरपालिका-७ शिवचोकमा एक महिलामाथि खुकुरी प्रहार भएको छ । आफ्नै घरमा खाना खाइरहेकी सीतादेवी पन्तमाथि ३७ वर्षीय कर्णबहादुर तामाङले आक्रमण गरेका हुन् ।
घटनापछि पन्तलाई तत्काल अस्पताल पुर्याइएको र हाल उनको स्वास्थ्य अवस्था मध्यम रहेको प्रहरीले जनाएको छ । आरोपित तामाङ सिन्धुपाल्चोकका बासिन्दा हुन् । उनले मदिरा सेवनपश्चात पन्तको कोठामा प्रवेश गरी खुकुरी प्रहार गरेको प्रारम्भिक अनुसन्धानबाट खुलेको छ ।
पीडित पन्तले भने आफूमाथि किन आक्रमण भयो भन्नेबारे अनविज्ञ रहेको बयान दिएकी छन् । प्रहरीले तामाङलाई नियन्त्रणमा लिएर थप अनुसन्धानका लागि जिल्ला प्रहरी परिसर काठमाडौं पठाएको छ ।
प्रतिक्रिया