ओलीको अनुपस्थितिमा एमालेले मनायो संविधान दिवस

काठमाडौं । नेकपा एमालेले पार्टी कार्यालय च्यासलमा संविधान दिवस मनाएको छ ।

जेनजी आन्दोलनकारीको तारो बनेको पार्टी कार्यालयमा पूर्वप्रधानमन्त्री एवं पार्टी अध्यक्ष केपी शर्मा ओली कार्यक्रममा अनुपस्थित भएका छन् । एमालेका अन्य नेताहरु र कार्यकर्ताहरु भने कार्यक्रममा उपस्थित थिए । अध्यक्ष ओली भदौ २४ देखि हिजोसम्म सेनाको सुरक्षामा रहेका थिए ।

अध्यक्ष ओलीको अनुपस्थितिमा यसअघि वरिष्ठ उपाध्यक्ष ईश्वर पोखरेलले अध्यक्षता गर्ने गरेको भए पनि आजको कार्यक्रममा उपाध्यक्ष शाक्यले कार्यक्रमको अध्यक्षता गरेकी छिन् । वरिष्ठ उपाध्यक्ष पोखरेल पार्टीभित्र यतिबेला ओली विरोधी फरक धारको नेतृत्व गरिरहेका छन् ।