काठमाडौं । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल प्रचण्डले त्रिदिवसीय सिरिजमा लगातार दुई खेल जितेकोमा नेपाली खेलाडीहरुलाई बधाई ज्ञापन गरेका छन् । सामाजिक सञ्जाल मार्फत बधाई ज्ञापन गर्दै अध्यक्ष प्रचण्डले संकटको घडीमा आशा र उत्साह जगाउने यो ऐतिहासिक प्रदर्शनले नेपालको छवि र गौरवलाई नयाँ उचाइमा पुर्याएको उल्लेख गरेका छन् ।
‘दुई पटकको विश्वकप विजेता तथा टेस्ट मान्यता प्राप्त वेस्ट इन्डिज टिमसँगको त्रिदिवसीय सिरिजमा लगातार दुई खेल जित्दै सिरिज कब्जा गर्न सफल भएकोमा नेपाली राष्ट्रिय क्रिकेट टोलीलाई हार्दिक बधाई।’ प्रचण्डले लेखेका छन् ।
उनले आफु नेतृत्वको सरकारले राष्ट्रिय गौरवका आयोजनाका रूपमा अघि बढाएका रंगशालाहरूको पूर्वाधार निर्माण कार्यलाई अझ प्राथमिकताका साथ अघि बढाउन सरकारको ध्यानाकर्षण पनि गराएका छन् । ‘फेरि पनि — राष्ट्रिय क्रिकेट टिम नेपाल, तपाईं हामी सबैको अभिमान र गौरव, हार्दिक बधाई !’ प्रचण्डले लेखेका छन् ।
प्रतिक्रिया