काठमाडौं । प्रतिकूल मौसमका कारण बुद्ध एयरले आजका सबै उडान रद्द गरेको छ । अविरल वर्षासँगै देशभरको मौसम अस्थिर बनेपछि कम्पनीले सबै उडान स्थगित गर्ने निर्णय गरेको हो ।
बुद्ध एयरले जारी गरेको सूचनामा भनिएको छ, “मौसमी अवस्थाका कारण आजका सबै उडानहरू रद्द गरिएको छ।” कम्पनीले उडान पुनःनिर्धारण (रिसेड्युल) वा रिफण्डका लागि यात्रुहरूले आफ्ना ट्राभल एजेन्सी, अनलाइन पोर्टल वा बुद्ध एयरको कल सेन्टरमा सम्पर्क गर्न आग्रह गरेको छ ।
निरन्तर वर्षाका कारण देशभर जनजीवन प्रभावित बनेको छ । विभिन्न राजमार्गहरूमा पहिरो खसेर सडक अवरुद्ध भएका छन् भने हवाई सेवा पनि ठप्प भएको छ ।
प्रतिक्रिया