काठमाडौं । नेपाली कांग्रेसको केन्द्रीय कार्यसमिति बैठक यही कात्तिक १३ गतेसम्मका लागि स्थगित गरिएको छ ।
यसअघि कात्तिक १ गते आज बिहान ११ बजेका लागि बोलाइएको बैठक पूर्वकेन्द्रीय सदस्य तथा पूर्वसांसद ऋषिकेश गौतमको निधन भएपछि रोकिएको थियो । आजको बैठक सुरु भएपनि स्वर्गीय गौतमप्रति श्रद्धाञ्जली अर्पण गरेपछि रोकिएको हो ।
विभिन्न १० वटा एजेण्डामा छलफल गर्न केहीदिन देखि जारी बैठकमा विशेष महाधिवेशन गर्ने कि नियमित महाधिवेशनमा जाने भन्ने विषयमा बहस केन्द्रित भएको छ । महामन्त्रद्वय गगन थापा, विश्वप्रकाश शर्मा र नेता शेखर कोइराला पक्षले विशेष महाधिवेशन या मंसिरमा नियमित महाधिवेशन गर्नुपर्ने भन्दै हस्ताक्षर संकलन गरेको थियो । करिब ५४ प्रतिशत महाधिवेशन प्रतिनिधिले हस्ताक्षर गरेर केन्द्रीय कार्यालयमा विशेष महाधिवेशनको प्रस्ताव दर्ता गराइसकेका छन् । यद्यपी, संस्थापन पक्ष भने नियमित महाधिवेशन नै गर्नुपर्ने तर मंसिरमा गर्न नसकिने अडानमा रहेको छ ।
प्रतिक्रिया