खगेन्द्र सुनारलाई सपथ खुवाउने बारे छलफलमा प्रधानमन्त्री

काठमाडौं । प्रधानमन्त्री सुशीला कार्कीले मन्त्रिपरिषद् विस्तारका लागि छनोट गरेको एृक मन्त्रीको नाम विवादित बनेपछि नियुक्ति र सपथका बारेमा छलफल थालेकी छन् । कार्की नेतृत्वको थपिने मन्त्री बन्नका लागि सिफारिस भएका खगेन्द्र सुनारको नाममा विवाद भएसँगै उनले छलफल थालेकी हुन्।

प्रधानमन्त्रीले केही यसअघि नियुक्त भइसकेका मन्त्रीहरुसँग सुनारको सपथ र नियुक्तिबारे छलफल गरिरहेको बालुवाटार स्रोतले जनाएको छ ।

सुनारविरुद्ध विभिन्न अभियोगको मुद्दा दर्ता भएको र प्रहरीको फरार सूचीमा पनि रहेको पाइएपछि प्रधानमन्त्रीले छलफललाई तिब्र पारेकी हुन्।

कार्कीले सुनारलाई श्रम रोजगारमन्त्रीमा सिफारिस गरेकी थिइन्। त्यस्तै डा सुधा शर्मा गौतमलाई स्वास्थ्य तथा जनसंख्यामन्त्री, गणपति लाल श्रेष्ठलाई भूमि व्यवस्था, सहकारी तथा गरिबी निवारणमन्त्री र बब्लु गुप्तालाई युवा तथा खेलकुदमन्त्री बनाउन सिफारिस गरेकी थिइन्।