काठमाडौं । काठमाडौं महानगरपालिकाका मेयर बालेन शाहले गएराति सामाजिक सञ्जालमा लेखेको अश्लिल स्टाटसबारे शिक्षामन्त्री महावीर पुनले परोक्ष टिप्पणी गरेका छन् ।
बालेनको नाम नलिईकन, मन्त्री पुनले सामाजिक सञ्जालमा लेखेका छन्— “केही आशालाग्दा अभियन्ता र अगुवाहरूले बेला–बेला सर्को तानेर बोलेको वा लेखेको जस्तो लाग्छ । सर्को तान्न केही छैन, तर त्यस बेला नबोल्न वा नलेख्न अनुरोध छ ।”
उनको यो टिप्पणीलाई मेयर शाहको स्टाटससँग जोडेर व्याख्या गरिएको छ ।
बालेनले लेखेको स्टाटस अश्लिल भएको भन्दै व्यापक आलोचना भएपछि उनले केही समयमै हटाएका थिए । तर उक्त स्टाटसको स्क्रिनसट अहिले सामाजिक सञ्जालमा व्यापक रूपमा चर्चामा छ ।
प्रतिक्रिया