भैरहवा । रुपन्देहीको भैरहवास्थित होटल निर्वाणा लक्जरी इन्टरनेशनलको गेट अगाडि गएराति गोली चलेको छ । राति करिब १ बजे भएको घटनामा एकजना व्यक्ति घाइते भएका छन् ।
जिल्ला प्रहरी कार्यालय रुपन्देहीका सूचना अधिकारी तथा प्रहरी नायव उपरीक्षक (डीएसपी) सुरज कार्कीका अनुसार गोली होटलमा कार्यरत सुरक्षा गार्ड मीन बहादुर परियारमाथि प्रहार भएको हो । बुटवल उपमहानगरपालिका-१५ निवासी २७ वर्षीय परियार गोली लागेर सामान्य घाइते भएका छन् ।
घाइते परियारको भैरहवास्थित भीम अस्पतालमा उपचारपछि डिस्चार्ज गरिएको प्रहरीले जनाएको छ ।
घटनास्थलको प्रारम्भिक अनुसन्धान सम्पन्न भइसकेको र सीसीटीभी फुटेजको विश्लेषणसहित थप अनुसन्धान अघि बढाइएको प्रहरीले जनाएको छ ।
प्रतिक्रिया