धादिङ । पृथ्वी राजमार्गअन्तर्गत धादिङको धुनिबेसी–६ चालिसेमा सात वटा सवारी एकै ठाउँमा दुर्घटनामा परेका छन् ।
स्कुल बससहित चार वटा बस, दुई वटा ट्रक र एउटाक मोटरसाइकल दुर्घटनामा परेका हुन् । घटनामा गम्भीर घाइते भएको जिल्ला प्रहरी कार्यालय धादिङले जनाएको छ ।
भारतीय नम्बर प्लेटको ट्रकको ब्रेक फेल भएपछि अन्य सवारीलाई ठक्कर दिँदा दुर्घटना भएको हो ।
दुर्घटनास्थलबाट प्रहरी र स्थानीयले घाइतेको उद्धार गरेको थियो । दुघटनास्थलमा रहेका पत्रकार आशीष ठकुरीअनुसार दुई वटा बसमा सवार अधिकांश यात्रु घाइते भएका छन् । घाइतेलाई उद्धार गरी नजिकैको स्वास्थ्य संस्था र काठमाडौंतर्फ पठाइएको थियो ।
दुर्घटनापछि सडकमा यातायात पूर्णरुपमा अवरुद्ध भएको थियो ।
प्रतिक्रिया