काठमाडौं। बर्दियामा नागरिकता नपाएकै कारण एक युवतीले ज्यान गुमाएको विषयमा छानबिन हुने भएको छ । बर्दिया बढैयाताल–४ कि एक युवतीले नागरिकता नपाएकै कारण आत्महत्या गरेको भनिएको विषयमा छानबिन हुने भएको हो ।
गृहमनत्रालयले युवती आत्महत्याको विषयमा छानबिन गर्न मन्त्रालयका सहसचिव तथा नीति, योजना अनुगमन तथा मूल्यांकन महाशाखा प्रमुख सुरेश पन्थीको संयोजकत्वमा छानविन समिति गठन गरेको छ । गृहमन्त्री ओमप्रकाश अर्यालले यस घटनाको बारेमा छाबिन गर्न समिति गठन भएको जानकारी दिए । सर्बत्र चासो र चिन्ता प्रकट भएपछी मन्त्रालयको पनि गम्भीर ध्यानाकर्षण भएको जनाउँदै उनले छानबिन समित गठन भएको बताए ।।
मन्त्रालयले आइतबार सचिवस्तरीय निर्णय गर्दै सहसचिव पन्थीको संयोजकत्वमा मन्त्रालयकै उपसचिव कुलशेखर अर्याल र थप एक जना सदस्य रहने गरी घटनाको छानविन गर्न समिति गठन गर्ने निर्णय गरेको छ ।
पाँचदिनको समयसीमा तोकेर समितिलाई घटनाको निष्पक्ष र सत्यतथ्य रुपमा जाँचबुझ गरी प्रतिवेदन पेश गर्ने गरी आदेश दिइएको छ।
यसै घटनाको सत्यतथ्य बुझ्न भन्दै प्रधानमन्त्री सुशिला कार्की पनि गृहमन्त्री अर्याललाई निर्देशन दिएकी थिइन् ।
प्रतिक्रिया