काठमाडौं । नेपालको पर्वतीय पर्यटनका क्षेत्रमा हिमचितुवाका नामले सुपरिचित साहसिक व्यक्तित्व आङरिता शेर्पाको हिजो भएको निधनप्रति पर्यटन तथा नागरिक उड्यान मन्त्री योगेश भट्टराईले दुःख व्यक्त गरेका छन् ।
मंगलबार शोक बिज्ञप्ति प्रकाशित गर्दै मन्त्री भट्टराईले शेर्पाको निधनले आफु स्थब्ध भएको बताएका छन् ।
शेर्पाको सोमबार विहान १०ः०० बजे काठमाडौंको जोरपाटीमा ७२ वर्षको उमेरमा निधन भएको थियो ।
शोक विज्ञप्तिमा कृत्रिम अक्सिजनको सहयोग विना दश पटकसम्म विश्वको सर्वोच्च शिखर सगरमाथाको सफल आरोहण गरी विश्व कीर्तिमान कायम गरेका शेर्पाले नेपालको पहिचानलाई अन्तर्राष्ट्रियस्तरमा उच्च बनाउन महत्वपूर्ण योगदान पुगेको उल्लेख गरिएको छ ।
मन्त्री भट्टराईले शेर्पाको निधनले नेपालको पर्वतीय पर्यटनको क्षेत्रमा अपूरणीय क्षति पुगेको समेत बताएका छन् ।
सरकारले शेर्पाको राष्ट्रिय सम्मानका साथ अन्त्येष्टी गर्ने निर्णय गरेको बिज्ञप्तिमा उल्लेख छ ।
प्रतिक्रिया