फागुन २१ मै निर्वाचन हुनुपर्छ तर सरकारको कामले आशंका बढायो : शेखर कोइराला

काठमाडौं । नेपाली कांग्रेसका नेता डा. शेखर कोइरालाले फागुन २१ गते नै निर्वाचन हुनुपर्नेमा जोड दिएका छन्।

आफ्नो निर्वाचन क्षेत्र मोरङ–६ अन्तर्गत सुन्दरहरैंचा नगरपालिका–४ का स्थानीय नेताहरूसँगको भेटघाटमा उनले प्रजातन्त्रको मूल आधार नै निर्वाचन भएकाले कांग्रेस पार्टी निर्वाचनमा जान पूर्ण रूपमा तयार रहेको बताए।

कोइरालाले संविधान जोगाउने र मुलुकलाई वर्तमान सङ्क्रमणकालीन अवस्थाबाट बाहिर निकाल्ने एकमात्र माध्यम निर्वाचन भएको उल्लेख गरे। उनले भने, “हामी त निर्वाचनको मिति कुरेर बसेका छौँ, तर सरकारको तयारी हेर्दा तोकिएकै समयमा निर्वाचन हुन्छ कि हुँदैन भन्ने आशंका पैदा भएको छ।”

सरकारले निर्वाचनका लागि अनुकूल वातावरण बनाउन नसकेको उनको आरोप छ। उनले थपे, “केही दलका नेताहरूलाई काठमाडौं बाहिर जान दिइएको छैन, लुटिएका हतियार अझै फिर्ता भएका छैनन्, कैदीहरू बाहिर छन्। यी विषयमा सरकारले के सोचिरहेको छ रु”

डा। कोइरालाले निर्वाचनलाई सफल बनाउन पार्टी पङ्क्तिलाई सक्रिय रूपमा जुट्न निर्देशनसमेत दिएका छन्।