बुटवल । बुटवल हुँदै बग्ने तिनाउ नदीले खतराको तह नाघे पछि तिनाउ नदीको तटीय क्षेत्र र आसपासमा रहेका नागरिकहरुलाई उच्च सतर्कता अपनाउन बाढी पूर्वानुमान महाशाखाले आग्रह गरेको छ ।
पूर्वानुमान शाखाका अनुसार तिनाउ नदीमा ५ दशमलव २ मिटरसम्म सतर्कताको तह र ५दशमलव ६ मिटरसम्म खतराको तह मानिने गरेकोमा बिहीबार बिहान साढे ७ बजे तिनाउको जलसतह ५ दशमलव ७१ मिटर मापन गरिएको थियो । बिगत २ दिन देखिको वर्ष जारी रहे जल सतह अझै बढ्न सक्ने शाखाले औंल्याएको छ ।
अहिले पनि गुल्मी, पाल्पा लगायत तिनाउ नदीको मुहान क्षेत्रमा निरन्तर बाढी आईरहेको हुँदा खतरा नतरेको पूर्वानुमान शाखाको भनाई छ ।
तिनाउ नदीको बहावले कटान गर्दा रुपन्देहीको रानीगञ्जस्थित सुकुम्बासी बस्ती जोखिममा परेको स्थानीयले बताएका छन् ।
आज बिहानैदेखि तिनाउले कटान गर्न थाले पछि नदिछेउ बसोबास गरिरहेका सुकुम्बासी बस्तीमा जोखिम बढेको हो ।
देशभर नै निरन्तर वर्षा भइरहेकाले देशका अधिकांश नदी तथा खोलाहरुमा बाढी आएको छ । यसअघि नै बाढी सूचना केन्द्रले बाढी आउने पूर्वानुमान गर्दै ११ गतेसम्म तटीय क्षेत्रमा नजान आग्रह गरेको थियो ।
प्रतिक्रिया