बुटवल । गत वर्ष भाद्र २३/२४ को जेनजी आन्दोलनमा आगजनी गरि पूर्ण क्षति भएको बुटवल स्थित ड्रिम इन्टरनेश्नल होटल र तिलोत्तमाको मणिग्राम स्थित ड्रिमल्याण्ड गोल्ड रिसोर्टका संचालक गोपाल रानाले बाढी प्रभावितको राहतका लागि आर्थिक सहयोग प्रदान गरेका छन् ।
युवा व्यवसायी रानाले रसुवाको भोटेकोशीमा भदौ १० गते आएको विनाशकारी बाढीबाट प्रभावित नागरिकको सहयोगका लागि ५ लाख ३ हजार रुपैयाँ प्रदान गरेका हुन् ।
ड्रिम इन्टरनेश्नल होटल प्रालिको तर्फबाट प्रधानमन्त्री दैवी प्रकोप उद्धार कोषमा सहयोग रकम जम्मा गरिएको रानाले बताए । रुपन्देहीमा लामो समयदेखि पर्यटन व्यवसाय गर्दै आएका रानाले शैक्षिक क्षेत्रको बिकासका लागि विभिन्न सामुदायिक विद्यालयहरुमा अक्षकोष स्थापना गर्नुका साथै, अपाङ्गता भएका, अभिभावक विहिन बालबालिका तथा सहयोगापेक्षि मानवहरुका लागि सहयोग प्रदान गर्दै आएका छन् ।
गत वर्ष भाद्र २३र२४ को जेनजी आन्दोलनमा रानाले बुटवलमा सञ्चालन गर्दै आएको ड्रिम इन्टरनेश्नल होटल र तिलोत्तमाको मणिग्रामस्थित ड्रिमल्याण्ड गोल्ड रिसोर्टमा आगजनी गरि पूर्ण क्षति भएको थियो ।
प्रतिक्रिया