बुटवल । प्रतिनिधिसभा सदस्य निर्वाचन नजिकिरहदा उम्मेदवारहरु घरदैलोमा व्यस्त छन । केही ठुला उम्मेदवारहरु सुखसयल बिसाएर आम नागरिकसंगै खाने, उनीहरुलाई काममा सघाउने जस्ता प्रचारका काम गरिरहेका छन ।
यस्तोमा रुपन्देहीका उम्मेदवार पनि आफनो निर्वाचन क्षेत्रको घरघर पुग्ने प्रचार गर्ने मात्र नभई संघसंस्था, मठमन्दिरमा मत माग्न हिडेका समाचारहरु प्रकाशनमा आएका छन । यस्तोमा शान्त र प्रविधिमैत्री प्रचारमा छन उज्यालो नेपाल पार्टीका युवा उम्मेदवार ईन्जिनियर सुरज पाण्डे ।
रैथाने उनि भड्किलो प्रचारभन्दा पनि सरल र सादगीपूर्ण तर प्रविधिमैत्री प्रचारमा छन । उनि सामाजिक संजालमा आफना आठ मुख्य एजेण्डाको भिडियो तयार गरेर प्रस्तुत गरेका छन । उनको यो प्रचार शैली अहिले धेरैलाई नौलो तर उत्कृष्ट लागेको छ । घरदैलोमा रहेका उनि बुधबारदेखि भने फेरि फरक ढंगमा भेटिए ।
बुधबार भाटभटेनी नजिक भएको कोणसभामा उनले डिजिटल भिडियो डिस्प्लेमार्फत पार्टीको घोषणापत्र र यो क्षेत्रको विकासमा बुनेका योजनाहरु प्रस्तुत गरे ।
धेरै मतदाताहरु उनको यो काममा आर्कषित भए । एक हप्ता उनि आफनो निर्वाचन क्षेत्रको बुटवल उपमहानगरपालिका, सैनामैना, तिलोत्तमा नगरपालिकाका मुख्य चोकहरुमा यसरी नै आफनो कुरा सुनाउदै हिडेका छन ।
प्रतिक्रिया