काठमाडौं । प्रतिनिधिसभा सदस्य निर्वाचनअन्तर्गत समानुपातिकतर्फ निर्वाचित ११० सांसदलाई आज प्रमाणपत्र प्रदान गरिने भएको छ ।
निर्वाचन आयोगले गत सोमबार सार्वजनिक गरेको विवरणअनुसार राष्ट्रिय स्वतन्त्र पार्टी (रास्वपा) बाट ५७, नेपाली कांग्रेस बाट २०, नेपाल कम्युनिष्ट पार्टी (एमाले) बाट १६, नेपाल कम्युनिष्ट पार्टी बाट ९ तथा श्रम संस्कृति पार्टी र राष्ट्रिय प्रजातन्त्र पार्टी (राप्रपा) बाट ४/४ जना सांसद निर्वाचित भएका छन् ।
आयोगले आज प्रमाणपत्र वितरण गरेपछि प्रतिनिधिसभा सदस्य निर्वाचन, २०८२ को समग्र परिणामसहितको प्रतिवेदन रामचन्द्र पौडेल समक्ष बुझाउने तयारी गरेको छ ।
राष्ट्रपतिसमक्ष निर्वाचनको प्रतिवेदन बुझाइएपछि नेपालको संविधान, २०७२ को धारा ७६ (१) अनुसार नयाँ सरकार गठनका लागि आह्वान गर्ने संवैधानिक प्रक्रिया अघि बढ्नेछ ।
प्रतिक्रिया