काठमाडौं । नेपाल कम्युनिष्ट पार्टी (एमाले) ले पार्टी उपाध्यक्ष रामबहादुर थापा बादललाई कार्यवाहक अध्यक्षको जिम्मेवारी दिएको छ । पार्टी अध्यक्ष केपी शर्मा ओली हिरासतमा रहेकाले उनको अनुपस्थितिमा कार्यवाहक अध्यक्षको जिम्मेवारी बादललाई दिइएको हो ।
ओली हिरासतमुक्त नहुँदासम्म उनी उक्त जिम्मेवारीमा रहने जनाइएको छ । यसैबीच, बादल आजै एमाले संसदीय दलको नेतामा पनि चयन भएका छन् ।
जेनजी आन्दोलन सम्बन्धी छानबिनका लागि गठित आयोगको सिफारिसअनुसार ओली हाल ज्यानसम्बन्धी कसुरमा हिरासतमा रहेका छन् । उनीविरुद्धको बन्दीप्रत्यक्षीकरणको मुद्दा अदालतमा विचाराधीन रहेको छ ।
प्रतिक्रिया