बुटवल । रुपन्देही जिल्लाका बिभिन्न स्थानहरुमा नक्कली नेपाली नोटको अबैध कारोवारमा संलग्न ४ जनालाई प्रहरीले पक्राउ गरेको छ । फरक फरक मितिमा रुपन्देहीको सिद्धार्थनगर नगरपालिका वडा नं. ५ भैरहवा र सैनामैना नगरपालिका वडा नं.१० भच्कैयाबाट नक्कली नोट सहित ४ जनालाई पक्राउ गरेको हो ।
पक्राउ पर्नेहरुमा कपिलबस्तु बाणगङ्गानगरपालिका वडा नं. २ का ३६ वर्षिय विष्णु श्रेष्ठ, नवलपरासी सुस्तापुर्व) देवचुलि नगरपालिका वडा नं. १५ का २८ वर्षिय सुजन खनाल भन्ने मुक्ति प्रसाद खनाल, सिन्धुपाल्चोक चौतारा साँगा चोकगढी नगरपालिका वडा नं. ८ का ३५ वर्षिय रोल बहादुर श्रेष्ठ र काठमाडौं बुढानिलकण्ठ नगरपालिका वडा नं. ९ का ५३ वर्षिय दिपेन्द्र थापा रहेका छन् ।
उनीहरुलाई चैत्र २२ गते र २६ गते फरक फरक मिति र समेयमा पक्राउ गरिएको प्रहरीले जनाएको छ । प्रहरीका अनुसार पक्राउ परेकाहरुबाट २१ थान १ हजार दरका २१ थान नक्कलीनोट बरामद भएको छ ।
नक्कली नोटको कारोबार सम्बन्धमा पक्राउ परेकाहरुबाट बयान लिई थप अनुसन्धान र खोजी कार्य कार्य जारी रहेको प्रहरीले जनाएको छ ।
प्रतिक्रिया