काठमाडौं । असोज १९ गते केन्द्रीय कार्यसमिति बैठकको तयारी गरिरहेको नेपाली काँग्रेसको केन्द्रीय कार्यालय ५ दिनका लागि बन्द गरिएको छ ।
पार्टीका केही केन्द्रीय सदस्यहरुलाई कोरोना संक्रमण पुष्टि भएपछि केन्द्रीय कार्यालय बन्द गरिएको हो । आजबाट असोज २२ गते सम्म कार्यालय बन्द गरिएको मुख्यसचिव कृष्णप्रसाद पौडेलले जानकारी दिए ।
केन्द्रीय कार्यसमिति बैठकको तयारीस्वरुप यहि असोज १५ गते सबै केन्द्रीय नेताहरुको पीसीआर परीक्षण गरिएको थियो । त्यसमध्ये नेताहरु गगन थापा, अर्जुन नरसिंह केसी
आमन्त्रित केन्द्रीय सदस्यहरू शम्भुलाल श्रेष्ठ, कल्पना चौधरी लगायतका केही नेताहरुको रिपोर्ट पोजेटिभ आएको थियो ।
कांग्रेसले केन्द्रीय सदस्य, नेताका स्वकीय सचिव, केन्द्रीय कार्यालयका कर्मचारी र नेताको सुरक्षामा खटिएका सुरक्षाकर्मीलगायत गरी दुई सय ५० जनाको स्वाब परीक्षण गराएको थियो । अझै पनि करिब एक सय ६० जनाको रिपोर्ट आउन बाँकी छ।
केन्द्रीय नेताहरुलाई संक्रमण भएपछि र पार्टी कार्यालय नै बन्द गरिएपछि मंगलबार बस्ने भनिएको काँग्रेस कार्यसमिति बैठक भने अन्यौलमा परेको छ ।
प्रतिक्रिया