राष्ट्रपतिको सम्बोधनका बेला प्रधानमन्त्री बाहिरिएकोमा कांग्रेसको आपत्ति

काठमाडौं । राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गरिरहेका बेला प्रधानमन्त्री बालेन शाह संसद् बैठकबाट बीचमै बाहिरिएको घटनाबारे प्रमुख प्रतिपक्षी दल नेपाली कांग्रेसले सरकारसँग स्पष्टिकरण माग गरेको छ ।

प्रतिनिधिसभाको बैठकको आकस्मिक समयमा कांग्रेस प्रमुख सचेतक बासना थापाले प्रधानमन्त्रीको व्यवहारले संसदीय मर्यादामाथि प्रश्न उठाएको बताइन् । उनले राष्ट्रपतिको सम्बोधनजस्तो संवेदनशील र औपचारिक कार्यक्रममा प्रधानमन्त्रीको अनुपस्थितिलाई सामान्य रूपमा लिन नसकिने धारणा राखिन् ।

थापाले पदभन्दा ठूलो विषय मर्यादा र जनविश्वास भएको उल्लेख गर्दै प्रधानमन्त्री स्वयंले घटनाबारे संसद्लाई जवाफ दिनुपर्ने माग गरिन् । उनले संसद्मा बोल्दै हिजोको दृश्य असामान्य रहेको टिप्पणी गर्दै सरकारको धारणा सार्वजनिक गर्न आग्रह गरिन् ।