काठमाडौं । नेपाल कम्युनिस्ट पार्टी (नेकपा)की सांसद बलावती शर्माले सरकारले शक्ति पृथकीकरणको सिद्धान्तलाई कमजोर बनाउँदै न्यायालयमाथि प्रभाव जमाउने प्रयास गरिरहेको आरोप लगाएकी छन् ।
मंगलबार बसेको प्रतिनिधिसभा बैठकमा बोल्दै उनले वर्तमान सरकार न्यायिक स्वतन्त्रता कमजोर पार्ने दिशामा अघि बढेको टिप्पणी गरिन् ।
सांसद शर्माले दुईतिहाइ नजिकको समर्थन प्राप्त सरकारले जनताको भरोसा जित्नुपर्नेमा उल्टै गरिब र निमुखामाथि शक्ति प्रदर्शन गरिरहेको आरोप लगाइन् । उनले डोजर प्रयोग गरेर बस्ती तथा घर भत्काउने कार्यले पीडित नागरिकको मनोबलसमेत तोडिएको बताइन् ।
उनले संसद्मा प्रश्न गर्दै सरकारको भूमिका जनताको संरक्षण गर्ने कि उनीहरूमाथि दमन गर्ने भन्ने स्पष्ट हुनुपर्ने धारणा राखिन् ।
शर्माले राज्य संयन्त्रलाई नियन्त्रणमुखी बनाउने प्रवृत्तिले लोकतान्त्रिक मूल्य र संवैधानिक व्यवस्थामाथि नै चुनौती सिर्जना गरेको दाबी गरिन् ।
प्रतिक्रिया