कञ्चनपुर । कञ्चनपुरको शुक्लाफाँटा राष्ट्रिय निकुञ्ज खण्डको सडकमा गुडिरहेको मोटरसाइकललाई बाले आक्रमण गर्दा ४ जना घाइते भएका छन् । कञ्चनपुर बेलडाँडी गाउँपालिका वडा नं २ क्याम्प चेकपोष्ट स्थित दैजी बेलडाँडी सडकखण्डमा शुक्लाफाटा राष्ट्रिय निकुञ्ज भित्र दैजीबाट बेलडाँडी तर्फ आउदै गरेको मोटरसाइकलमाथि बाघले आक्रमण गर्दा ४ जना घाइते भएका हुन् ।
बेलौरी नगरपालिका वडा नं ९ रतनपुर बस्ने बिरेन्द्र ठगुन्नाले चलाएको सु.प.प्र. ०१-००९ प ७६३० नम्बरको मोटरसाइकललार्इ अचानक बाघले आक्रमण गर्दा कोटरसायकल भई सडकमा पल्टिन जाँदा चालक ठगुन्ना सहित उनकी श्रीमती कल्पना ठगुन्ना, छोरा २ बर्ष ६ महिनाको रियान्स ठगुन्ना र भान्जी भिमदत्त नगरपालिका १५ खैरिबस्ती बस्ने १४ वर्षिया आरुसी साहु घाइते भएको प्रहरीले जनाएको छ । प्रहरीका अनुसार आरुसी अचेत अवस्थामा रहेकी छन् भने अन्यको आवस्था मध्यम रहेको छ ।
घाइतेहरुलाई घटना लगत्तै उपचारको लागी महाकाली प्रादेशिक अस्पताल महेन्द्रनगर लगिएकोमा त्यहाँबाट थप उपचारका लागि धनगढी मायामेट्रो हस्पिटल रिफर गरिएको प्रहरीले जनाएको छ । प्रहरीका अनुसार घटना बुधबार राती ९ बजे भएको हो ।
प्रतिक्रिया