सुनचाँदीको मूल्यमा सामान्य गिरावट

काठमाडौं । स्थानीय बजारमा बिहीबार सुन र चाँदीको मूल्यमा सामान्य गिरावट आएको छ । नेपाल सुनचाँदी व्यवसायी महासंघका अनुसार सुनको मूल्य प्रतितोला २०० रुपैयाँले घटेको हो ।

महासंघले आजका लागि छापावाल सुनको मूल्य प्रतितोला ३ लाख ११ हजार १०० रुपैयाँ निर्धारण गरेको छ । बुधबार छापावाल सुन प्रतितोला ३ लाख ११ हजार ३०० रुपैयाँ मा कारोबार भएको थियो ।

यस्तै, चाँदीको मूल्य पनि घटेको छ । चाँदी प्रतितोला ८५ रुपैयाँले घटेर ५ हजार २८५ रुपैयाँ कायम भएको महासंघले जनाएको छ । बुधबार चाँदी प्रतितोला ५ हजार ३७० रुपैयाँ मा खरिद-बिक्री भएको थियो ।

अन्तर्राष्ट्रिय बजारमा बहुमूल्य धातुको मूल्यमा आएको उतारचढावको प्रभाव नेपाली बजारमा पनि देखिएको व्यवसायीहरू बताउँछन् । बजारमा सुन र चाँदीको मूल्य दैनिक रूपमा अन्तर्राष्ट्रिय कारोबार र विनिमय दरका आधारमा निर्धारण हुने गरेको छ ।