काठमाडौं । पछिल्लो २४ घण्टामा नेपालमा थप १५ जना कोरोना संक्रमितको निधन भएको छ।
स्वास्थ्य तथा जनसंख्या मन्त्रालयले बुधबार अपरान्ह दिएको जानकारी अनुसार १० जना पुरुष र ५ जना महिलाको निधन भएको हो ।
काठमाडौं उपत्यकामा मात्रै ७ जनाको मृत्यु भएको छ । काठमाडौंका ४५ , ५३ , ६४ , ६९ वर्षीया चार पुरुषको मृत्यु भएको छ भने ललितपुरका ४३ वर्षीय एक पुरुषको मृत्यु भएको छ ।
यस्तै, काठमाडौंका ६६ , ७२ वर्षीया दुर्इ महिलाको पनि मृत्यु भएको मन्त्रालयले जनाएको छ ।
यसैगरी मोरङमा ४० र ६० वर्षीय दुई पुरुष र चितवनका ६१ वर्षीय पुरुष पनि ज्यान गएको छ । यसैगरी सिरहाकी ५० वर्षीया र रौतहटकी ७२ वर्षीया महिलाको निधन भएको छ ।
यस्तै, रुपन्देहीका ५५ वर्षीया पुरुष , नवलपरासीका ७६ वर्षीया पुरुषको मृृत्यु भएको छ भने दाङकी ७१ वर्षीया महिलाको पनि कोरोना संक्रमणबाट मृत्यु भएको छ ।
मन्त्रालयका अनुसार नेपालमा अहिलेसम्म ५ सय ७८ जनाको कोरोना स.क्रमणबाट मृत्यु भएको छ । यो मृत्यु दर कुल कोरोना संक्रमित मध्ये ० दशमलव ६१ प्रतिशत हो ।
प्रतिक्रिया