नवलपरासी । नवलपरासी (पश्चिम)को बर्दघाट नगरपालिका-४ तारेभिरस्थित पूर्व-पश्चिम राजमार्गमा ईभी भ्यान र ट्रक एकआपसमा ठोक्किँदा १० जना घाइते भएका छन् ।
बुटवलबाट काठमाडौंतर्फ जाँदै गरेको बा.प्र. ०८-००१ ज ००९४ नम्बरको ईभी भ्यान र विपरीत दिशाबाट आउँदै गरेको ना.६ ख ३४६० नम्बरको ट्रक एकआपसमा ठोक्किएर दुर्घटना भएको प्रहरीले जनाएको छ ।
दुर्घटनामा काठमाडौं महानगरपालिका-१० कपनका ३३ वर्षीय बद्री मगर, काठमाडौं स्वयम्भूका २५ वर्षीय नेत्रलाल नेवा, भारतको बैंगलोरका ६५ वर्षीय जगदिश बीएल, चितवनको कालिका नगरपालिका-३ पदमपुरकी ६५ वर्षीया यनु मगर, रुपन्देहीको बुटवल उपमहानगरपालिका-४ अमरपथका ४० वर्षीय रुप गुरुङ, ईभी भ्यानका सहचालक ३५ वर्षीय गोविन्द थापा, चालक रुपन्देहीको बुटवल-१२ ढवाहका ४४ वर्षीय कृष्ण थापा, गुल्मीको इस्मा गाउँपालिका-६ का २१ वर्षीय किरण मुखिया, भारतको कर्नाटक, बैंगलोरका ६१ वर्षीय नन्जुण्डे गोडा तथा बुटवल-१७ का २८ वर्षीय प्रकाश भट्टराई घाइते भएका छन् ।
प्रहरीका अनुसार घाइतेमध्ये चार जनालाई थप उपचारका लागि देवदह मेडिकल कलेज, भलुही रिफर गरिएको छ भने अन्य घाइतेहरूको अवस्था सामान्य रहेको छ ।
दुर्घटनामा संलग्न ट्रक चालक मकवानपुरको थाहा नगरपालिका-११ निवासी ३५ वर्षीय बुद्धिबहादुर ठोकरलाई प्रहरीले नियन्त्रणमा लिई घटनाबारे थप अनुसन्धान गरिरहेको जनाएको छ ।
प्रतिक्रिया