१५ चैत्र २०८०, बिहिबार | March 28, 2024

टुंगियो लन टेनिसको विवाद खुल्यो ताला



बुटवल । बुटवल लन टेनिस कम्प्लेक्समा श्रमिकको ज्याला र निर्माण सामग्रीको विषयलाई लिएर उत्पन्न भएको विवाद समाधान भएको छ ।

भदौ २९ गते देखि बन्द रहेको कोर्टको ताला लन टेनिस खेलमैदान निर्माण उपभोक्ता समिति र लन टेनिस संघको संयुक्त पहलमा निर्माण सामग्री र श्रमिकको ज्याला भुक्तानी गरिएसंगै समाधान भएको समितिका अध्यक्ष केश बहादुर थापाले बताए ।

निर्माणमा १७ लाख तिर्नुपर्नेमा रकममध्ये नगद १० लाख दिने र बाकि ७ लाख सहयोग गर्ने सहमति भएको समितिका कोषाध्यक्ष अर्जुन गुरुङले बताए । उपभोक्ता समिति र संघको पहलमा विवाद समाधान भएको उनले बताए । ‘हामीले पहल गरेर केही संस्थाहरु र दाताहरुबाट छुट मिलेको छ ।’– उनले भने । उपभोक्ता समितिबाट २ लाख र नया कार्यसमितिका सदस्य तथा खेलाडीहरुबाट करीब ८ लाख रुपैया उठाएर तिरेको उनले बताए ।

तिर्नुपर्ने मध्ये सहारा ईन्जिनियरिङले ३ लाख ३३ हजार हजार, रामकुमार चौधरीले ७५ हजार, एलबी ईट्टाले १ लाख, सिद्धार्थ ईट्टाले १ लाख, सुभाष मार्वलले ३८ हजार, गंगाजमुना सप्लायर्सले २३ हजार, डिके सप्लायर्सले १५ हजार, केएस सप्लायर्स १३ हजार, राजकुमार भट्टराई ५ हजार, कालिका डिजल्स ३२ हजार, निर्मल निर्माण सेवाले ५५ हजार, पुर्णानन्द गिरिले १२ हजार ५ सय, कमल ट्रेनिङ १५ हजार गरि ७ लाख ११ हजार ५ सय रुपैया संघलाई सहयोग गर्ने सहमती भएको उनले बताए ।

तालाबन्दी गरेका सहारा ईन्जिनियरिङका सन्तोष कुवरले विवाद समाधान भएको बताए । खेलकुद क्षेत्र भएकाले आफुहरु लिनुपर्नेमध्ये ३ लाख ३३ हजार रुपैया बराबार सहयोग गरेको उनले बताए । विस २०७५ सालमा ९५ लाख १३ हजार रुपैया खर्च भएको कोर्टमा नेपाल सरकार राष्ट्रिय खेलकुद परिषदबाट ७४ लाख १८ हजार प्राप्त भएको थियो भने स्थानिय खेलाडीहरुबाट ४ लाख ७५ हजार ६ सय ६२ रुपैया बराबर श्रमदान भएको थियो ।

नगर खेलकुद विकास समिति, जिल्ला खेलकुद विकास समितिको पहल तथा स्थानिय समाजसेवीहरुको पटकपटक पहलमा पनि विवाद समाधान हुन सकेको थिएन ।

 

प्रकाशित मिति : २३ आश्विन २०७७, शुक्रबार  १० : ०५ बजे

रास्वपाबाट इलाम- २ मा मिलन लिम्बु बने उम्मेदवार

काठमाडौं । राष्ट्रिय स्वतन्त्र पार्टी (रास्वपा) ले  वैशाख १५ गते

एमाले पार्टी कार्यालय अध्ययन भ्रमणमा पुगे रास्वपाका नेता

काठमाडौं । राष्ट्रिय स्वतन्त्र पार्टी (रास्वपा) का नेताहरुले नेकपा एमालेको

एमाले रुपन्देहीको दशौं अधिवेशन जेठ १६ र १७ गते, विभिन्न समितिहरु गठन गर्दै तयारी सुरु

बुटवल । नेकपा एमाले रुपन्देहीको दशौं अधिवेशन आगामी जेठ १६

लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु

बुटवल । प्रसुती सेवालाई बिस्तार गर्दै लगेको लुम्बिनी प्रादेशिक अस्पताल

नेपाली राष्ट्रिय क्रिकेट टिमको बिदाई

काठमाडौं । भारतमा हुने बरोडा र गुजरातसँगको फ्रेन्डसिप सिरिज तथा